سرائیکی شاعری!!!!!...ساکوں تھوڑاتھوڑا یاد آندے؟
!...ساکوں تھوڑاتھوڑا یاد آندے؟
یادآندےساڈی وستی ہئ،
ساڈی وستی ہئ ہک وسبہ ہا،
جتھ واسی رل مل رہندےھن،
ڈینہہ لہنڑ توں بعدنماشاں کوں،
آ لوک وساخ تیں بہندے ھن،
......ساکوں تھوڑاتھوڑایادآندے
ساڈےماکھی وانگ جوانیںدے،
اگوانیں دے نادانیں دے،
مہمان وی اکثر آندے ھن،
اتھ کئ کئ راتاں راہندےھن،
......ساکوں تھوڑاتھوڑایادآندے
یادآندے ساڈیاں پیتاں ھن،
ساڈےوعدےھن ساڈیاں رسماں ھن،
بیا حال حوال دیاں ریتاں ھن،
ناں گھن،گھن ویلھےروٹیں دے،
سڈ یادءن ساکوں چھوٹیں دے،
ایں میل ملاپ دےمیلے وچ،
ایں میلےوچ ایں بیلے وچ،
کئ وڈےھن کئ چھوٹےھن،
کئ گالھےھن کئ بھولےھن،
کئ نازک ھن مزاجیں دے،
کئ ناز انداز دے ٹوٹے ھن،
اساں ہک بئے نال سلڑھ ہاسے
ساڈےکولوں دور نفاقاں ھن،
ساڈی کھل ہئ کھل کھل ہاسے ھن
ہک بئے تیں ٹوک مذاقاں ھن،
.....ساکوں تھوڑاتھوڑایادآندے
اینویں لگدےساڈیں جھوکیں تیں،
انہیں سدھیں سادیں لوکیں تیں،
کئ اڈدی پڈدی چنڑگ ڈٹھی،
ایں چنڑگ دےنال فضاء رل گئ،
اینویں اکھ پھرکنڑ دی دیر تھئ،
بس بھوئیں تیں ساری بھاہ بل گئ،
ھر پاسے چیک چبولے ھن،
جیندی جے تونڑی وی دید گئ
بس بھاہ ہئ بھاہ دےشعلے ھن....؟
ایں بھڑکدی بھاہ دے بھانبھڑ وچ،
سڑ بھج ساڈے ارمان گۓ،
نقصان دی چیتے غردی وچ،
ساکوں جیندا چا غستان گۓ،
اساں پہنچےکیا غستان عدم،
ساڈیں کنیں دیوچ کئو آئ ء،
اساں کئو جھلوائ تاں کئو دیوچ،
ساکوں ملیاں وکھریاں خبراں ہن،
؟کہیں آکھۓ؟ جیندئیں لوکیں دیاں!
!! اتھ پہلےوی کئ قبراں ہن!!
Comments
Post a Comment