By Mohsin Naqvi

میں چپ رہا کہ زہر یہی مجھ کو راس تھا 
وہ سنگ لفظ پھینک کے کتنا اداس تھا 

اکثر مری قبا پہ ہنسی آ گئی جسے 
کل مل گیا تو وہ بھی دریدہ لباس تھا 

میں ڈھونڈھتا تھا دور خلاؤں میں ایک جسم 
چہروں کا اک ہجوم مرے آس پاس تھا 

تم خوش تھے پتھروں کو خدا جان کے مگر 
مجھ کو یقین ہے وہ تمہارا قیاس تھا 

بخشا ہے جس نے روح کو زخموں کا پیرہن 
محسنؔ وہ شخص کتنا طبیعت شناس تھا 

 By Mohsin Naqvi

مکمل پڑھیں →

معرکہ اب کے ہوا بھی تو پھر ایسا ہوگا

معرکہ اب کے ہوا بھی تو پھر ایسا ہوگا 
تیرے دریا پہ مری پیاس کا پہرہ ہوگا 

اس کی آنکھیں ترے چہرے پہ بہت بولتی ہیں 
اس نے پلکوں سے ترا جسم تراشا ہوگا 

کتنے جگنو اسی خواہش میں مرے ساتھ چلے 
کوئی رستہ ترے گھر کو بھی تو جاتا ہوگا 

میں بھی اپنے کو بھلائے ہوئے پھرتا ہوں بہت 
آئنہ اس نے بھی کچھ روز نہ دیکھا ہوگا 

رات جل تھل مری آنکھوں میں اتر آیا تھا 
صورت ابر کوئی ٹوٹ کے برسا ہوگا 

یہ مسیحائی اسے بھول گئی ہے محسنؔ 
یا پھر ایسا ہے مرا زخم ہی گہرا ہوگا 

 By Mohsin Maqvi

مکمل پڑھیں →

ابتدا سے ہم ضعیف و ناتواں پیدا ہوئے

ابتدا سے ہم ضعیف و ناتواں پیدا ہوئے

اڑ گیا جب رنگ رخ سے استخواں پیدا ہوئے

خاکساری نے دکھائیں رفعتوں پر رفعتیں

اس زمیں سے واہ کیا کیا آسماں پیدا ہوئے

علم خالق کا خزانہ ہے میان کاف و نون

ایک کن کہنے سے یہ کون و مکاں پیدا ہوئے

ضبط دیکھو سب کی سن لی اور کچھ اپنی کہی

اس زباں دانی پر ایسے بے زباں پیدا ہوئے

شور بختی آئی حصے میں انہیں کے وا نصیب

تلخ کامی کے لیے شیریں زباں پیدا ہوئے

احتیاط جسم کیا انجام کو سوچو انیسؔ

خاک ہونے کو یہ مشت استخواں پیدا ہوئے

By Mir Anees

مکمل پڑھیں →

سدا ہے فکر ترقی بلند بینوں کو

سدا ہے فکر ترقی بلند بینوں کو

ہم آسمان سے لائے ہیں ان زمینوں کو

پڑھیں درود نہ کیوں دیکھ کر حسینوں کو

خیال صنعت صانع ہے پاک بینوں کو

کمال فقر بھی شایاں ہے پاک بینوں کو

یہ خاک تخت ہے ہم بوریا نشینوں کو

لحد میں سوئے ہیں چھوڑا ہے شہ نشینوں کو

قضا کہاں سے کہاں لے گئی مکینوں کو

یہ جھریاں نہیں ہاتھوں پہ ضعف پیری نے

چنا ہے جامۂ اصلی کی آستینوں کو

لگا رہا ہوں مضامین نو کے پھر انبار

خبر کرو مرے خرمن کے خوشہ چینوں کو

بھلا تردد بے جا سے ان میں کیا حاصل

اٹھا چکے ہیں زمیندار جن زمینوں کو

انہیں کو آج نہیں بیٹھنے کی جا ملتی

معاف کرتے تھے جو لوگ کل زمینوں کو

یہ زائروں کو ملیں سرفرازیاں ورنہ

کہاں نصیب کہ چومیں ملک جبینوں کو

سجایا ہم نے مضامیں کے تازہ پھولوں سے

بسا دیا ہے ان اجڑی ہوئی زمینوں کو

لحد بھی دیکھیے ان میں نصیب ہو کہ نہ ہو

کہ خاک چھان کے پایا ہے جن زمینوں کو

زوال طاقت و موئے سپید و ضعف بصر

انہیں سے پائے بشر موت کے قرینوں کو

نہیں خبر انہیں مٹی میں اپنے ملنے کی

زمیں میں گاڑ کے بیٹھے ہیں جو دفینوں کو

خبر نہیں انہیں کیا بندوبست پختہ کی

جو غصب کرنے لگے غیر کی زمینوں کو

جہاں سے اٹھ گئے جو لوگ پھر نہیں ملتے

کہاں سے ڈھونڈ کے اب لائیں ہم نشینوں کو

نظر میں پھرتی ہے وہ تیرگی و تنہائی

لحد کی خاک ہے سرمہ مآل بینوں کو

خیال خاطر احباب چاہیئے ہر دم

انیسؔ ٹھیس نہ لگ جائے آبگینوں کو

By Mir Anees

مکمل پڑھیں →

اس کا خیال چشم سے شب خواب لے گیا

اس کا خیال چشم سے شب خواب لے گیا

قسمے کہ عشق جی سے مرے تاب لے گیا

کن نیندوں اب تو سوتی ہے اے چشم گریہ ناک

مژگاں تو کھول شہر کو سیلاب لے گیا

آوے جو مصطبہ میں تو سن لو کہ راہ سے

واعظ کو ایک جام مئے ناب لے گیا

نے دل رہا بجا ہے نہ صبر و حواس و ہوش

آیا جو سیل عشق سب اسباب لے گیا

میرے حضور شمع نے گریہ جو سر کیا

رویا میں اس قدر کہ مجھے آب لے گیا

احوال اس شکار زبوں کا ہے جائے رحم

جس ناتواں کو مفت نہ قصاب لے گیا

منہ کی جھلک سے یار کے بے ہوش ہو گئے

شب ہم کو میرؔ پرتو مہتاب لے گیا

By Mir Taqi Mir

مکمل پڑھیں →

Kya kahun tum se main ke kya hai ishq,

Kya kahun tum se main ke kya hai ishq,
Jaan ka rog hai, bala hai ishq.
Ishq hi ishq hai jahaan dekho,
Saare aalam mein bhar raha hai ishq.
Ishq maashuq ishq aashiq hai,
Yaani apna hi mubtala hai ishq.
Ishq hai tarz-o-taur ishq ke taeen,
Kahin banda kahin Khuda hai ishq.
Kaun maqsad ko ishq bin pohuncha,
Aarzoo ishq wa mudda hai ishq.
Koi khwaahan nahin mahabbat ka,
Tu kahe jins-e-narawa hai ishq.
Mir ji zarad hote jaate hain,
Kya kahin tum ne bhi kiya hai ishq?

By Mir Taqi Mir

مکمل پڑھیں →

Faqiraana aae sadaa kar chale,

Faqiraana aae sadaa kar chale,
Miyaan khush raho ham dua kar chale.
Jo tujh bin na jeene ko kahte the ham,
So is ahd ko ab wafa kar chale.
Koi naumidana karte nigah,
So tum ham se munh bhi chhipa kar chale.
Bahut aarzoo thi gali ki teri,
So yaan se lahu mein naha kar chale.
Dikhai diye yun ke bekhud kiya,
Hamen aap se bhi juda kar chale.
Jabin sijda karte hi karte gayi,
Haq-e-bandgi ham ada kar chale.
Prastash ki yaan taeen ke ai but tujhe,
Nazr mein sabhon ki Khuda kar chale.
Gayi umr dar band-e-fikr-e-ghazal,
So is fan ko aisa bara kar chale.
Kahen kya jo puchhe koi ham se Mir,
Jahaan mein tum ae the kya kar chale. 

By Mir Taqi Mir

مکمل پڑھیں →

Ibtadaae ishq hai rota hai kya,

Ibtadaae ishq hai rota hai kya,
Aage aage dekhiye hota hai kya.
Qafile mein subah ke ek shor hai,
Yaani ghaafil ham chale sota hai kya.
Sabz hoti hi nahin yeh sar zamin,
Tukhm-e-khwahish dil mein tu bota hai kya.
Yeh nishaan-e-ishq hain jaate nahin,
Daagh chhaati ke abas dhota hai kya.
Ghairat-e-Yousaf hai yeh waqt-e-aziz,
Mir isko raigaan khota hai kya. 

By Mir Taqi Mir

مکمل پڑھیں →

Ashk-e chakidah

اشکِ چکیدہ رنگِ پریدہ
ہر طرح ہوں میں از خود رمیدہ

گو یاد مجھ کو کرتے ہیں خوباں
لیکن بہ سانں دردں کشیدہ

ہے رشتئہ جاں فرطِ کشش سے
مانندِ نبضِ دستِ بریدہ

ٹوٹا ہے افسوس موئے خمِ زلف
ہے شانہ یک سر دستِ گزیدہ

خالِ سیاہِ رنگیں رخاں سے
ہے داغِ لالہ در خوں طپیدہ

جوشِ جنوں سے جوں کسوتِ گل
سر تا بہ پا ہوں جیبِ دریدہ

یارو اسد کا نام و نشاں کیا
بے دل فقیرِ آفت رسیدہ

By Mirza Asad Ullah Khan Ghalib

مکمل پڑھیں →

شمع و پروانہ

پروانہ تجھ سے کرتا ہے اے شمع! پیار کیوں
یہ جانِ بے قرار ہے تجھ پر نثار کیوں

آدابِ عشق تُو نے سِکھائے ہیں کیا اسے؟
سیماب وار رکھتی ہے تیری ادا اسے
کرتا ہے یہ طواف تری جلوہ گاہ کا

آزارِ موت میں اسے آرامِ جاں ہے کیا؟
پھُونکا ہُوا ہے کیا تری برقِ نگاہ کا؟
شعلے میں تیرے زندگیِ جاوداں ہے کیا؟

ننھّے سے دل میں لذّتِ سوز و گداز ہے
غم خانۀ جہاں میں جو تیری ضیا نہ ہو
اس تفتہ دل کا نخلِ تمنا ہرا نہ ہو
گِرنا ترے حضور میں اس کی نماز ہے

کِیڑا ذرا سا، اور تمنّائے روشنی!
کچھ اس میں جوشِ عاشقِ حُسنِ قدیم ہے
چھوٹا سا طُور تُو، یہ ذرا سا کلیمِ ہے

پروانہ، اور ذوقِ تماشائے روشنی

By Allama Muhammad Iqbal

مکمل پڑھیں →

خُفتگانِ خاک سے استفسار

مہرِ روشن چھُپ گیا، اُٹھّی نقابِ رُوئے شام
شانۀ ہستی پہ ہے بکھرا ہُوا گیسُوئے شام

محفلِ قُدرت مگر خورشید کے ماتم میں ہے
یہ سیَہ پوشی کی تیّاری کسی کے غم میں ہے
کر رہا ہے آسماں جادُو لبِ گُفتار پر

ہاں، مگر اک دُور سے آتی ہے آوازِ درا
ساحرِ شب کی نظر ہے دیدۀ بیدار پر
غوطہ زن دریائے خاموشی میں ہے موجِ ہوا

منظرِ حرماں نصیبی کا تماشائی ہوں میں
دل کہ ہے بے تابیِ اُلفت میں دنیا سے نفُور
کھینچ لایا ہے مجھے ہنگامۀ عالم سے دُور

اور اس بستی پہ چار آنسو گرانے دے مجھے
ہم نشینِ خُفتگان کُنجِ تنہائی ہوں میں
تھم ذرا بے تابیِ دل! بیٹھ جانے دے مجھے
اے مئے غفلت کے سر مستو! کہاں رہتے ہو تم؟

آدمی واں بھی حصارِ غم میں ہے محصُور کیا؟
کُچھ کہو اُس دیس کی آخر، جہاں رہتے ہو تم
وہ بھی حیرت خانۀ امروز و فردا ہے کوئی؟
اور پیکارِ عناصِر کا تماشا ہے کوئی؟

یاں تو اک مصرع میں پہلو سے نکل جاتا ہے دل
اُس ولایت میں بھی ہے انساں کا دل مجبُور کیا؟
واں بھی جل مرتا ہے سوزِ شمع پر پروانہ کیا؟
اُس چمن میں بھی گُل و بُلبل کا ہے افسانہ کیا؟

اس جہاں میں اک معیشت اور سَو اُفتاد ہے
شعر کی گرمی سے کیا واں بھی پگھل جاتاہے دل؟
رشتہ و پیوند یاں کے جان کا آزار ہیں
اُس گُلستاں میں بھی کیا ایسے نُکیلے خار ہیں؟
رُوح کیا اُس دیس میں اس فکر سے آزاد ہے؟

واں بھی انساں اپنی اصلیّت سے بیگانے ہیں کیا؟
کیا وہاں بجلی بھی ہے، دہقاں بھی ہے، خرمن بھی ہے؟
قافلے والے بھی ہیں، اندیشۀ رہزن بھی ہے؟
تِنکے چُنتے ہیں وہاں بھی آشیاں کے واسطے؟
خِشت و گِل کی فکر ہوتی ہے مکاں کے واسطے؟
امتیازِ ملّت و آئِیں کے دیوانے ہیں کیا؟

آگ کے شعلوں میں پنہاں مقصدِ تادیب ہے؟
واں بھی کیا فریادِ بُلبل پر چمن روتا نہیں؟
اِس جہاں کی طرح واں بھی دردِ دل ہوتا نہیں؟
باغ ہے فردوس یا اک منزلِ آرام ہے؟
یا رُخِ بے پردۀ حُسنِ ازل کا نام ہے؟
کیا جہنّم معصیت سوزی کی اک ترکیب ہے؟
کیا عوض رفتار کے اُس دیس میں پرواز ہے؟

واں بھی انساں ہے قتیلِ ذوقِ استفہام کیا؟
موت کہتے ہیں جسے اہلِ زمیں، کیا راز ہے؟
اضطرابِ دل کا ساماں یاں کی ہست و بود ہے
علمِ انساں اُس ولایت میں بھی کیا محدود ہے؟
دید سے تسکین پاتا ہے دلِ مہجُور بھی؟
’لن ترانی‘ کہہ رہے ہیں یا وہاں کے طُور بھی؟
جستجو میں ہے وہاں بھی رُوح کو آرام کیا؟

موت اک چُبھتا ہُوا کانٹا دلِ انساں میں ہے
آہ! وہ کِشور بھی تاریکی سے کیا معمُور ہے؟
یا محبّت کی تجلّی سے سراپا نُور ہے؟

تم بتا دو راز جو اس گنبدِ گرداں میں ہے

By Allama Muhammad Iqbal

مکمل پڑھیں →

ماں کا خواب

میں سوئی جو اک شب تو دیکھا یہ خواب
بڑھا اور جس سے مرا اضطراب

اندھیرا ہے اور راہ مِلتی نہیں
یہ دیکھا کہ مَیں جا رہی ہوں کہیں

جو کچھ حوصلہ پا کے آگے بڑھی
لرزتا تھا ڈر سے مرا بال بال
قدم کا تھا دہشت سے اُٹھنا محال

دِیے سب کے ہاتھوں میں جلتے ہوئے
تو دیکھا قطار ایک لڑکوں کی تھی
زَمرّد سی پوشاک پہنے ہوئے
وہ چُپ چاپ تھے آگے پیچھے رواں

وہ پیچھے تھا اور تیز چلتا نہ تھا
خدا جانے جانا تھا اُن کو کہاں
اسی سوچ میں تھی کہ میرا پِسر
مجھے اُس جماعت میں آیا نظر

جُدائی میں رہتی ہوں مَیں بے قرار
دِیا اُس کے ہاتھوں میں جلتا نہ تھا
کہا مَیں نے پہچان کر، میری جاں!
مجھے چھوڑ کر آ گئے تم کہاں؟

دیا اُس نے مُنہ پھیر کر یوں جواب
پروتی ہوں ہر روز اشکوں کے ہار
نہ پروا ہماری ذرا تم نے کی
گئے چھوڑ، اچھّی وفا تم نے کی!
جو بچّے نے دیکھا مرا پیچ و تاب

سمجھتی ہے تُو ہو گیا کیا اسے؟
رُلاتی ہے تجھ کو جُدائی مری
نہیں اس میں کچھ بھی بھلائی مری
یہ کہہ کر وہ کچھ دیر تک چُپ رہا
دِیا پھر دِکھا کر یہ کہنے لگا

ترے آنسوؤں نے بُجھایا اسے!

By Allama Muhammad Iqbal

مکمل پڑھیں →

کی حق سے فرشتوں نے اقبالؔ کی غمّازی

کی حق سے فرشتوں نے اقبالؔ کی غمّازی

گُستاخ ہے، کرتا ہے فطرت کی حِنا بندی

خاکی ہے مگر اس کے انداز ہیں افلاکی

سِکھلائی فرشتوں کو آدم کی تڑپ اس نے

رومی ہے نہ شامی ہے، کاشی نہ سمرقندی

آدم کو سِکھاتا ہے آدابِ خداوندی!

By Allama Muhammad Iqbal

مکمل پڑھیں →

نے مُہرہ باقی، نے مُہرہ بازی

نے مُہرہ باقی، نے مُہرہ بازی

جیتا ہے رومیؔ، ہارا ہے رازیؔ

شاہی نہیں ہے بے شیشہ بازی

روشن ہے جامِ جمشید اب تک

دل ہے مسلماں میرا نہ تیرا

میں جانتا ہوں انجام اُس کا

تُو بھی نمازی، میں بھی نمازی!

جس معرکے میں مُلّا ہوں غازی

کارِ خلیلاں خارا گدازی

تُرکی بھی شیریں، تازی بھی شیریں

حرفِ محبت تُرکی نہ تازی

باقی ہے جو کچھ، سب خاک بازی

آزر کا پیشہ خارا تراشی

تُو زندگی ہے، پائندگی ہے

By Allama Muhammad Iqbal

مکمل پڑھیں →

ایک گائے اور بکری

اک چراگہ ہری بھری تھی کہیں
تھی سراپا بہار جس کی زمیں
کیا سماں اُس بہار کا ہو بیاں
ہر طرف صاف ندّیاں تھیں رواں
تھے اناروں کے بے شمار درخت
اور پیپل کے سایہ دار درخت
ٹھنڈی ٹھنڈی ہوائیں آتی تھیں
طائروں کی صدائیں آتی تھیں
کسی ندّی کے پاس اک بکری
چَرتے چَرتے کہیں سے آ نکلی
جب ٹھہر کر اِدھر اُدھر دیکھا
پاس اک گائے کو کھڑے پایا
پہلے جھُک کر اُسے سلام کیا
پھر سلیقے سے یوں کلام کیا
کیوں بڑی بی! مزاج کیسے ہیں
گائے بولی کہ خیر اچھّے ہیں
کٹ رہی ہے بُری بھلی اپنی
ہے مصیبت میں زندگی اپنی
جان پر آ بنی ہے، کیا کہیے
اپنی قِسمت بُری ہے، کیا کہیے
دیکھتی ہوں خدا کی شان کو مَیں
رو رہی ہوں بُروں کی جان کو مَیں
زور چلتا نہیں غریبوں کا
پیش آیا لِکھا نصیبوں کا
آدمی سے کوئی بھلا نہ کرے
اس سے پالا پڑے، خدا نہ کرے
دُودھ کم دوں تو بڑبڑاتا ہے
ہوں جو دُبلی تو بیچ کھاتا ہے
ہتھکنڈوں سے غلام کرتا ہے
کِن فریبوں سے رام کرتا ہے
اس کے بچوں کو پالتی ہوں مَیں
دُودھ سے جان ڈالتی ہوں مَیں
بدلے نیکی کے یہ بُرائی ہے
میرے اﷲ! تری دُہائی ہے
سُن کے بکری یہ ماجرا سارا
بولی، ایسا گِلہ نہیں اچھّا
بات سچّی ہے بے مزا لگتی
مَیں کہوں گی مگر خدا لگتی
یہ چراگہ، یہ ٹھنڈی ٹھنڈی ہوا
یہ ہری گھاس اور یہ سایا
ایسی خوشیاں ہمیں نصیب کہاں
یہ کہاں، بے زباں غریب کہاں!
یہ مزے آدمی کے دَم سے ہیں
لُطف سارے اسی کے دَم سے ہیں
اس کے دَم سے ہے اپنی آبادی
قید ہم کو بھلی کہ آزادی!
سَو طرح کا بَنوں میں ہے کھٹکا
واں کی گُزران سے بچائے خُدا
ہم پہ احسان ہے بڑا اس کا
ہم کو زیبا نہیں گِلا اس کا
قدر آرام کی اگر سمجھو
آدمی کا کبھی گِلہ نہ کرو
گائے سُن کر یہ بات شرمائی
آدمی کے گِلے سے پچھتائی
دل میں پرکھا بھلا بُرا اُس نے
اور کچھ سوچ کر کہا اُس نے
یوں تو چھوٹی ہے ذات بکری کی
دل کو لگتی ہے بات بکری کی

By Allama Muhammad Iqbal

مکمل پڑھیں →

ایک پہا ڑ اور گلہری

کوئی پہاڑ یہ کہتا تھا اک گلہری سے
تجھے ہو شرم تو پانی میں جا کے ڈوب مرے
ذرا سی چیز ہے، اس پر غرور، کیا کہنا
یہ عقل اور یہ سمجھ، یہ شعور، کیا کہنا!
خدا کی شان ہے ناچیز چیز بن بیٹھیں
جو بے شعور ہوں یوں باتمیز بن بیٹھیں
تری بساط ہے کیا میری شان کے آگے
زمیں ہے پست مری آن بان کے آگے
جو بات مجھ میں ہے، تجھ کو وہ ہے نصیب کہاں
بھلا پہاڑ کہاں، جانور غریب کہاں!
کہا یہ سُن کے گلہری نے، مُنہ سنبھال ذرا
یہ کچّی باتیں ہیں دل سے انھیں نکال ذرا
جو مَیں بڑی نہیں تیری طرح تو کیا پروا
نہیں ہے تُو بھی تو آخر مری طرح چھوٹا
ہر ایک چیز سے پیدا خدا کی قدرت ہے
کوئی بڑا، کوئی چھوٹا، یہ اُس کی حکمت ہے
بڑا جہان میں تجھ کو بنا دیا اُس نے
مجھے درخت پہ چڑھنا سِکھا دیا اُس نے
قدم اُٹھانے کی طاقت نہیں ذرا تجھ میں
نِری بڑائی ہے، خوبی ہے اور کیا تجھ میں
جو تُو بڑا ہے تو مجھ سا ہُنر دِکھا مجھ کو
یہ چھالیا ہی ذرا توڑ کر دِکھا مجھ کو
نہیں ہے چیز نِکمّی کوئی زمانے میں
کوئی بُرا نہیں قُدرت کے کارخانے میں

By Allama Muhammad Iqbal

مکمل پڑھیں →

ایک مکڑا اور مکھّی

اک دن کسی مکھّی سے یہ کہنے لگا مکڑا
اس راہ سے ہوتا ہے گزر روز تمھارا
لیکن مری کُٹیا کی نہ جاگی کبھی قسمت
بھُولے سے کبھی تم نے یہاں پاؤں نہ رکھّا
غیروں سے نہ مِلیے تو کوئی بات نہیں ہے
اپنوں سے مگر چاہیے یوں کھنچ کے نہ رہنا
آؤ جو مرے گھر میں تو عزّت ہے یہ میری
وہ سامنے سیڑھی ہے جو منظور ہو آنا
مکھّی نے سُنی بات جو مکڑے کی تو بولی
حضرت! کسی نادان کو دیجے گا یہ دھوکا
اس جال میں مکھّی کبھی آنے کی نہیں ہے
جو آپ کی سیڑھی پہ چڑھا، پھر نہیں اُترا
مکڑے نے کہا واہ! فریبی مجھے سمجھے
تم سا کوئی نادان زمانے میں نہ ہو گا
منظور تمھاری مجھے خاطر تھی وگرنہ
کچھ فائدہ اپنا تو مرا اس میں نہیں تھا
اُڑتی ہوئی آئی ہو خدا جانے کہاں سے
ٹھہرو جو مرے گھر میں تو ہے اس میں بُرا کیا!
اِس گھر میں کئی تم کو دکھانے کی ہیں چیزیں
باہر سے نظر آتا ہے چھوٹی سی یہ کُٹیا
لٹکے ہوئے دروازوں پہ باریک ہیں پردے
دیواروں کو آئینوں سے ہے میں نے سجایا
مہمانوں کے آرام کو حاضر ہیں بچھونے
ہر شخص کو ساماں یہ میّسر نہیں ہوتا
مکھّی نے کہا خیر، یہ سب ٹھیک ہے لیکن
میں آپ کے گھر آؤں، یہ امّید نہ رکھنا
ان نرم بچھونوں سے خدا مجھ کو بچائے
سو جائے کوئی ان پہ تو پھر اُٹھ نہیں سکتا
مکڑے نے کہا دل میں، سُنی بات جو اُس کی
پھانسوں اسے کس طرح یہ کم بخت ہے دانا
سَو کام خوشامد سے نکلتے ہیں جہاں میں
دیکھو جسے دنیا میں خوشامد کا ہے بندا
یہ سوچ کے مکھّی سے کہا اُس نے بڑی بی!
اﷲ نے بخشا ہے بڑا آپ کو رُتبا
ہوتی ہے اُسے آپ کی صورت سے محبّت
ہو جس نے کبھی ایک نظر آپ کو دیکھا
آنکھیں ہیں کہ ہیرے کی چمکتی ہوئی کَنیاں
سر آپ کا اﷲ نے کلغی سے سجایا
یہ حُسن، یہ پوشاک، یہ خوبی، یہ صفائی
پھر اس پہ قیامت ہے یہ اُڑتے ہوئے گانا
مکھی نے سُنی جب یہ خوشامد تو پسیجی
بولی کہ نہیں آپ سے مجھ کو کوئی کھٹکا
انکار کی عادت کو سمجھتی ہوں بُرا میں
سچ یہ ہے کہ دل توڑنا اچھّا نہیں ہوتا
یہ بات کہی اور اُڑی اپنی جگہ سے
پاس آئی تو مکڑے نے اُچھل کر اُسے پکڑا
بھوکا تھا کئی روز سے، اب ہاتھ جو آئی
آرام سے گھر بیٹھ کے مکھّی کو اُڑایا

By Allama Muhammad Iqbal

مکمل پڑھیں →

ابرِ کوہسار

ہے بلندی سے فلک بوس نشیمن میرا
ابرِ کُہسار ہوں گُل پاش ہے دامن میرا
کبھی صحرا، کبھی گُلزار ہے مسکن میرا
شہر و ویرانہ مرا، بحر مرا، بَن میرا
کسی وادی میں جو منظور ہو سونا مجھ کو
سبزۀ کوہ ہے مخمل کا بچھونا مجھ کو
مجھ کو قُدرت نے سِکھایا ہے دُرافشاں ہونا
ناقۀ شاہدِ رحمت کا حُدی خواں ہونا
غم زدائے دلِ افسُردۀ دہقاں ہونا
رونقِ بزمِ جوانانِ گُلستاں ہونا
بن کے گیسو رُخِ ہستی پہ بکھر جاتا ہوں
شانۀ موجۀ صرصر سے سنور جاتا ہوں
دُور سے دیدۀ امیّد کو ترساتا ہوں
کسی بستی سے جو خاموش گزر جاتا ہوں
سَیر کرتا ہُوا جس دم لبِ جُو آتا ہوں
بالیاں نہر کو گرداب کی پہناتا ہوں
سبزۀ مزرعِ نوخیز کی امّید ہوں میں
زادۀ بحر ہوں، پروردۀ خورشید ہوں میں
چشمۀ کوہ کو دی شورشِ قلزُم میں نے
اور پرندوں کو کیا محوِ ترنّم میں نے
سر پہ سبزے کے کھڑے ہو کے کہا قُم میں نے
غنچۀ گُل کو دیا ذوقِ تبسّم میں نے
فیض سے میرے نمونے ہیں شبستانوں کے
جھونپڑے دامنِ کُہسار میں دہقانوں کے

By Allama Muhammad Iqbal

مکمل پڑھیں →

By Allama Muhammad Iqbal

فکرِ انساں پر تری ہستی سے یہ روشن ہُوا
ہے پرِ مرغِ تخیّل کی رسائی تا کجا
تھا سراپا روح تُو، بزمِ سخن پیکر ترا
زیبِ محفل بھی رہا، محفل سے پنہاں بھی رہا
دید تیری آنکھ کو اُس حُسن کی منظور ہے
بن کے سوزِ زندگی ہر شے میں جو مستور ہے
محفلِ ہستی تری بربط سے ہے سرمایہ دار
جس طرح ندّی کے نغموں سے سکُوتِ کوہسار
تیرے فردوسِ تخیّل سے ہے قدرت کی بہار
تیری کشتِ فکر سے اُگتے ہیں عالم سبزہ وار
زندگی مُضمرَ ہے تیری شوخیِ تحریر میں
تابِ گویائی سے جُنبش ہے لبِ تصویر میں
نُطق کو سَو ناز ہیں تیرے لبِ اعجاز پر
محوِ حیرت ہے ثریّا رفعتِ پرواز پر
شاہدِ مضموں تصّدق ہے ترے انداز پر
خندہ زن ہے غنچۀ دلّی گُلِ شیراز پر
آہ! تُو اُجڑی ہوئی دِلّی میں آرامیدہ ہے
گُلشنِ ویمر* میں تیرا ہم نوا خوابیدہ ہے
لُطفِ گویائی میں تیری ہمسری ممکن نہیں
ہو تخیّل کا نہ جب تک فکرِ کامل ہم نشیں
ہائے! اب کیا ہو گئی ہندوستاں کی سر زمیں
آہ! اے نظّارہ آموزِ نگاہِ نکتہ بیں
گیسوئے اُردو ابھی منّت پذیر شانہ ہے
شمع یہ سودائیِ دل‌سوزیِ پروانہ ہے
اے جہان آباد! اے گہوارۀ عِلم و ہُنر
ہیں سراپا نالۀ خاموش تیرے بام و در
ذرّے ذرّے میں ترے خوابیدہ ہیں شمس و قمر
یوں تو پوشیدہ ہیں تیری خاک میں لاکھوں گہر
دفن تجھ میں کوئی فخرِ روزگار ایسا بھی ہے؟
تجھ میں پنہاں کوئی موتی آبدار ایسا بھی ہے؟

By Allama Muhammad Iqbal

مکمل پڑھیں →

عہدِ طفلی

تھے دیارِ نَو زمین و آسماں میرے لیے
وسعتِ آغوشِ مادَر اک جہاں میرے لیے
تھی ہر اک جُنبش نشانِ لطفِ جاں میرے لیے
حرفِ بے مطلب تھی خود میری زباں میرے لیے
درد، طفلی میں اگر کوئی رُلاتا تھا مجھے
شورشِ زنجیرِ در میں لُطف آتا تھا مجھے
تکتے رہنا ہائے! وہ پہروں تلک سُوئے قمر
وہ پھٹے بادل میں بے آوازِ پا اُس کا سفر
پُوچھنا رہ رہ کے اُس کے کوہ و صحرا کی خبر
اور وہ حیرت دروغِ مصلحت آمیز پر
آنکھ وقفِ دید تھی، لب مائلِ گُفتار تھا
دل نہ تھا میرا، سراپا ذوقِ استفسار تھا

By Allama Muhammad Iqbal

مکمل پڑھیں →

گُلِ رنگیں

تُو شناسائے خراشِ عُقدۀ مشکل نہیں
اے گُلِ رنگیں ترے پہلو میں شاید دل نہیں
زیبِ محفل ہے، شریکِ شورشِ محفل نہیں
یہ فراغت بزمِ ہستی میں مجھے حاصل نہیں
اس چمن میں مَیں سراپا سوز و سازِ آرزو
اور تیری زندگانی بے گدازِ آرزو
توڑ لینا شاخ سے تجھ کو مرا آئِیں نہیں
یہ نظر غیر از نگاہِ چشمِ صورت بیں نہیں
آہ! یہ دستِ جفا جُو اے گُلِ رنگیں نہیں
کس طرح تجھ کو یہ سمجھاؤں کہ مَیں گُلچیں نہیں
کام مجھ کو دیدۀ حِکمت کے اُلجھیڑوں سے کیا
دیدۀ بُلبل سے مَیں کرتا ہوں نظّارہ ترا
سَو زبانوں پر بھی خاموشی تجھے منظور ہے
راز وہ کیا ہے ترے سینے میں جو مستور ہے
میری صورت تُو بھی اک برگِ ریاضِ طُور ہے
مَیں چمن سے دُور ہوں، تُو بھی چمن سے دُور ہے
مُطمئن ہے تُو، پریشاں مثلِ بُو رہتا ہوں میں
زخمیِ شمشیرِ ذوقِ جُستجو رہتا ہوں میں
یہ پریشانی مری سامانِ جمعیّت نہ ہو
یہ جگر سوزی چراغِ خانۀ حکمت نہ ہو
ناتوانی ہی مری سرمایۀ قوّت نہ ہو
رشکِ جامِ جم مرا آئینۀ حیرت نہ ہو
یہ تلاشِ متصّل شمعِ جہاں افروز ہے
تَوسنِ ادراکِ انساں کو خرام آموز ہے

By Allama Muhammad Iqbal

مکمل پڑھیں →

ہمالہ

اے ہمالہ! اے فصیلِ کشورِ ہندوستاں
چُومتا ہے تیری پیشانی کو جھُک کر آسماں
تجھ میں کُچھ پیدا نہیں دیرینہ روزی کے نشاں
تُو جواں ہے گردشِ شام و سحَر کے درمیاں
ایک جلوہ تھا کلیمِ طُورِ سینا کے لیے
تُو تجلّی ہے سراپا چشمِ بینا کے لیے
امتحانِ دیدۀ ظاہر میں کوہستاں ہے تُو
پاسباں اپنا ہے تو، دیوارِ ہندُستاں ہے تُو
مطلعِ اوّل فلک جس کا ہو وہ دِیواں ہے تُو
سُوئے خلوت گاہِ دل دامن کشِ انساں ہے تُو
برف نے باندھی ہے دستارِ فضیلت تیرے سر
خندہ زن ہے جو کُلاہِ مہرِ عالم تاب پر
تیری عمرِ رفتہ کی اک آن ہے عہدِ کُہن
وادیوں میں ہیں تری کالی گھٹائیں خیمہ زن
چوٹیاں تیری ثریّا سے ہیں سرگرمِ سخن
تُو زمیں پر اور پہنائے فلک تیرا وطن
چشمۀ دامن ترا آئینۀ سیّال ہے
دامنِ موجِ ہوا جس کے لیے رُومال ہے
ابر کے ہاتھوں میں رہوارِ ہوا کے واسطے
تازیانہ دے دیا برقِ سرِ کُہسار نے
اے ہمالہ کوئی بازی گاہ ہے تُو بھی، جسے
دستِ قُدرت نے بنایا ہے عناصِر کے لیے
ہائے کیا فرطِ طرب میں جھُومتا جاتا ہے ابر
فیلِ بے زنجیر کی صُورت اُڑا جاتا ہے ابر
جُنبشِ موجِ نسیمِ صبح گہوارہ بنی
جھُومتی ہے نشّۀ ہستی میں ہر گُل کی کلی
یوں زبانِ برگ سے گویا ہے اس کی خامشی
دستِ گُلچیں کی جھٹک مَیں نے نہیں دیکھی کبھی
کہہ رہی ہے میری خاموشی ہی افسانہ مرا
کُنجِ خلوت خانۀ قُدرت ہے کاشانہ مرا
آتی ہے ندّی فرازِ کوہ سے گاتی ہوئی
کوثر و تسنیم کی موجوں کو شرماتی ہوئی
آئنہ سا شاہدِ قُدرت کو دِکھلاتی ہوئی
سنگِ رہ سے گاہ بچتی گاہ ٹکراتی ہوئی
چھیڑتی جا اس عراقِ دل نشیں کے ساز کو
اے مُسافر دل سمجھتا ہے تری آواز کو
لیلیِ شب کھولتی ہے آ کے جب زُلفِ رسا
دامنِ دل کھینچتی ہے آبشاروں کی صدا
وہ خموشی شام کی جس پر تکلّم ہو فدا
وہ درختوں پر تفکّر کا سماں چھایا ہُوا
کانپتا پھرتا ہے کیا رنگِ شفَق کُہسار پر
خوشنما لگتا ہے یہ غازہ ترے رُخسار پر
اے ہمالہ! داستاں اُس وقت کی کوئی سُنا
مسکنِ آبائے انساں جب بنا دامن ترا
کچھ بتا اُس سیدھی سادی زندگی کا ماجرا
داغ جس پر غازۀ رنگِ تکلّف کا نہ تھا
ہاں دکھا دے اے تصوّر پھر وہ صبح و شام تُو
دوڑ پیچھے کی طرف اے گردشِ ایّام تُو

By Allama Muhammad Iqbal

مکمل پڑھیں →

DOZAKHI KI MANAJAT

مکمل پڑھیں →

ALAM-E-BARZAKH

مکمل پڑھیں →

فطرت کو خرد کے روبرو

فطرت کو خرد کے روبرو

تسخیر مقام رنگ و بو کر

تو اپنی خودی کو کھو چکا ہے

کھوئی ہوئی شے کی جستجو کر

تاروں کی فضا ہے بیکرانہ

تو بھی یہ مقام آرزو کر

عریاں ہیں ترے چمن کی حوریں

چاک گل و لالہ کو رفو کر

بے ذوق نہیں اگرچہ فطرت

جو اس سے نہ ہو سکا وہ تو کر

By Allama Muhammad Iqbal

مکمل پڑھیں →

ستم سکھلائے گا رسم وفا ایسے نہیں ہوتا

ستم سکھلائے گا رسم وفا ایسے نہیں ہوتا

صنم دکھلائیں گے راہ خدا ایسے نہیں ہوتا

گنو سب حسرتیں جو خوں ہوئی ہیں تن کے مقتل میں

مرے قاتل حساب خوں بہا ایسے نہیں ہوتا

جہان دل میں کام آتی ہیں تدبیریں نہ تعزیریں

یہاں پیمان تسلیم و رضا ایسے نہیں ہوتا

ہر اک شب ہر گھڑی گزرے قیامت یوں تو ہوتا ہے

مگر ہر صبح ہو روز جزا ایسے نہیں ہوتا

رواں ہے نبض دوراں گردشوں میں آسماں سارے

جو تم کہتے ہو سب کچھ ہو چکا ایسے نہیں ہوتا

By Faiz Ahmed Faiz

مکمل پڑھیں →

بھابی

فرماتی هیں گھر میں دن بھر آرام 

اور بھائی کو دیکھتے هی رونے لگ جاتی هیں

یه ساس بهو سیریل والی 

هائے رے بھابھیاں بھی عجیب هوتی هیں

پھپھیاں تو ایویں هوگئیں بدنام

هائے یه بھابھیاں بڑی چلتر باز هوتی هیں

لگاتی هیں هر موقعے په گھر میں آگ

هائے رے بھا ھیاں بڑی فنکار هوتی هیں

مکمل پڑھیں →

شعور و ہوش و خرد کا معاملہ ہے عجیب

شعور و ہوش و خرد کا معاملہ ہے عجیب

مقام شوق میں ہیں سب دل و نظر کے رقیب

میں جانتا ہوں جماعت کا حشر کیا ہوگا

مسائل نظری میں الجھ گیا ہے خطیب

اگرچہ میرے نشیمن کا کر رہا ہے طواف

مری نوا میں نہیں طائر چمن کا نصیب

سنا ہے میں نے سخن رس ہے ترک عثمانی

سنائے کون اسے اقبالؔ کا یہ شعر غریب

سمجھ رہے ہیں وہ یورپ کو ہم جوار اپنا

ستارے جن کے نشیمن سے ہیں زیادہ قریب

By Allama Muhammad Iqbal

مکمل پڑھیں →

یہ حوریان فرنگی دل و نظر کا حجاب

یہ حوریان فرنگی دل و نظر کا حجاب

بہشت مغربیاں جلوہ ہائے پا برکاب

دل و نظر کا سفینہ سنبھال کر لے جا

مہ و ستارہ ہیں بحر وجود میں گرداب

جہان صوت و صدا میں سما نہیں سکتی

لطیفۂ ازلی ہے فغان چنگ و رباب

سکھا دیے ہیں اسے شیوہ ہائے خانقہی

فقیہ شہر کو صوفی نے کر دیا ہے خراب

وہ سجدہ روح زمیں جس سے کانپ جاتی تھی

اسی کو آج ترستے ہیں منبر و محراب

سنی نہ مصر و فلسطیں میں وہ اذاں میں نے

دیا تھا جس نے پہاڑوں کو رعشۂ سیماب

ہوائے قرطبہ شاید یہ ہے اثر تیرا

مری نوا میں ہے سوز و سرور عہد شباب

By Allama Muhammad Iqbal

مکمل پڑھیں →

اثر کرے نہ کرے سن تو لے مری فریاد

اثر کرے نہ کرے سن تو لے مری فریاد

نہیں ہے داد کا طالب یہ بندۂ آزاد

یہ مشت خاک یہ صرصر یہ وسعت افلاک

کرم ہے یا کہ ستم تیری لذت ایجاد

ٹھہر سکا نہ ہوائے چمن میں خیمۂ گل

یہی ہے فصل بہاری یہی ہے باد مراد

قصوروار غریب الدیار ہوں لیکن

ترا خرابہ فرشتے نہ کر سکے آباد

مری جفا طلبی کو دعائیں دیتا ہے

وہ دشت سادہ وہ تیرا جہان بے بنیاد

خطر پسند طبیعت کو سازگار نہیں

وہ گلستاں کہ جہاں گھات میں نہ ہو صیاد

مقام شوق ترے قدسیوں کے بس کا نہیں

انہیں کا کام ہے یہ جن کے حوصلے ہیں زیاد

By Allama Muhammad Iqbal

مکمل پڑھیں →

جز گماں اور تھا ہی کیا میرا

جز گماں اور تھا ہی کیا میرا

فقط اک میرا نام تھا میرا

نکہت پیرہن سے اس گل کی

سلسلہ بے صبا رہا میرا

مجھ کو خواہش ہی ڈھونڈنے کی نہ تھی

مجھ میں کھویا رہا خدا میرا

تھوک دے خون جان لے وہ اگر

عالم ترک مدعا میرا

جب تجھے میری چاہ تھی جاناں

بس وہی وقت تھا کڑا میرا

کوئی مجھ تک پہنچ نہیں پاتا

اتنا آسان ہے پتا میرا

آ چکا پیش وہ مروت سے

اب چلوں کام ہو چکا میرا

آج میں خود سے ہو گیا مایوس

آج اک یار مر گیا میرا

By John Aliya

مکمل پڑھیں →

جانے کہاں گیا ہے وہ وہ جو ابھی یہاں تھا

جانے کہاں گیا ہے وہ وہ جو ابھی یہاں تھا

وہ جو ابھی یہاں تھا وہ کون تھا کہاں تھا

تا لمحۂ گزشتہ یہ جسم اور سائے

زندہ تھے رائیگاں میں جو کچھ تھا رائیگاں تھا

اب جس کی دید کا ہے سودا ہمارے سر میں

وہ اپنی ہی نظر میں اپنا ہی اک سماں تھا

کیا کیا نہ خون تھوکا میں اس گلی میں یارو

سچ جاننا وہاں تو جو فن تھا رائیگاں تھا

یہ وار کر گیا ہے پہلو سے کون مجھ پر

تھا میں ہی دائیں بائیں اور میں ہی درمیاں تھا

اس شہر کی حفاظت کرنی تھی ہم کو جس میں

آندھی کی تھیں فصیلیں اور گرد کا مکاں تھا

تھی اک عجب فضا سی امکان خال و خد کی

تھا اک عجب مصور اور وہ مرا گماں تھا

عمریں گزر گئی تھیں ہم کو یقیں سے بچھڑے

اور لمحہ اک گماں کا صدیوں میں بے اماں تھا

جب ڈوبتا چلا میں تاریکیوں کی تہ میں

تہ میں تھا اک دریچہ اور اس میں آسماں تھا

By John Aliya

مکمل پڑھیں →