خوش بیانی مِری فطرت میں ہے شامِل ' عاصِمؔ ! شاعری سے مِری وابستگی کیوں ہے؟ یوں ہے . ( لیاقت علی عاصِمؔ )

یہ جو وَحشت میں غزالوں کو سُکوں ہے ، یُوں ہے

دشت سے بڑھ کے مِرا حال زُبوں پے ' یوں ہے

.

دیکھتے ہی اُسے ہم دل سے گئے' جاں سے گئے

عشق آغاز میں انجامِ جُنوں ہے ۔۔۔۔۔۔۔ یوں ہے

.

تیری تصویر بنانے سے کہاں بنتی ہے

یہ کوئی " معجزہؑ کُن فَیَکُوں " ہے ' یوں ہے.

.

ورنہ مَیں اَور تِرے دستِ حنائی سے فرار

مِری آنکھوں میں ابھی منظرِ خُوں ہے' یوں ہے.

.

یہ جو ہم حال میں اپنے نہیں رہتے اکثر

ہم پہ افسانہؑ فردا کا فُسوں ہے ' یوں ہے

.

مَیں تو اُٹھ آیا مِرے شعر پہ جب بات چلی

نکتہ چینوں میں یہی شور تھا''یوں ہے ' یوں ہے''

.

خوش بیانی مِری فطرت میں ہے شامِل ' عاصِمؔ !

شاعری سے مِری وابستگی کیوں ہے؟ یوں ہے

.

( لیاقت علی عاصِمؔ )