شعور و ہوش و خرد کا معاملہ ہے عجیب







شعور و ہوش و خرد کا معاملہ ہے عجیب

مقام شوق میں ہیں سب دل و نظر کے رقیب




میں جانتا ہوں جماعت کا حشر کیا ہوگا

مسائل نظری میں الجھ گیا ہے خطیب




اگرچہ میرے نشیمن کا کر رہا ہے طواف

مری نوا میں نہیں طائر چمن کا نصیب




سنا ہے میں نے سخن رس ہے ترک عثمانی

سنائے کون اسے اقبالؔ کا یہ شعر غریب




سمجھ رہے ہیں وہ یورپ کو ہم جوار اپنا

ستارے جن کے نشیمن سے ہیں زیادہ قریب


By Allama Muhammad Iqbal

Comments

Post a Comment

Popular posts from this blog

ہم نا سمجھے تیری نظروں کا تقاضا کیا ہے کبھی جلوہ کبھی پردہ----- یہ تماشا کیا ہے

ہم نا سمجھے تیری نظروں کا تقاضا کیا ہے  کبھی جلوہ کبھی پردہ----- یہ تماشا کیا ہے مجھہ کو مدہوش سا کر رکھا ہے تیری آنکھوں نے  ورنہ ساقی تیرے----- مے خانے میں رکھا کیا ہے دیکھ لے لیلی تیرے مجنوں کا کلیجہ کیا ہے  خاک میں مل کے بھی کہتا ہے بگڑا کیا ہے یہ صراحی سا بدن لے کر میرے سامنے نا آ  میں شرابی ہوں---- شرابی کا بھروسہ کیا ہے اپنے ہونٹوں کو میرے ہونٹوں سے چھونے نا دے  ایک دو گھونٹ سے------- بوتل کا بگڑتا کیا ہے ،...!!!
Read more

ھم بتوں کو جو پیار کرتے ھیں نقلِ پروردگار کرتے ھیں

ھم بتوں کو جو پیار کرتے ھیں  نقلِ پروردگار کرتے ھیں  اتنی قسمیں نہ کھاؤ گھبرا کر  جاؤ ھم اعتبار کرتے ھیں  کیا محبت بھی کوئی پیشہ ہے  لوگ کیوں اتنے پیار کرتے ہیں اب بھی آجاؤ کچھ نہیں بگڑا اب بھی ھم انتظار کرتے ہیں دشمنی غیر تو نہیں کرتے  یہ شرافت تو یار کرتے ہیں  تو خفا ھو ،، یا خوش ھم تو  واقعی تجھ سے پیار کرتے ہیں  خوبیوں کو بھی قدردان عدم  خامیوں میں شمار کرتے ہیں (عبدالحمید عدم)
Read more

زیادہ پاس مت آنا !

زیادہ پاس مت آنا !!! زیادہ پاس مت آنا مَیں وہ تہہ خانہ ھُوں جس میں شکستہ خواھشوں کے ان گنت آسیب بستے ھیں جو آدھی شب تو روتے ھیں، پھر آدھی رات ھنستے ھیں مری تاریکیوں میں گُمشدہ صدیوں کے گرد آلُود، ناآسُودہ خوابوں کے کئی عفریت بستے ھیں مری خوشیوں پہ روتے ھیں، مرے اشکوں پہ ھنستے ھیں مرے ویران دل میں رینگتی ھیں مکڑیاں غم کی تمناؤں کے کالے ناگ شب بھر سرسراتے ھیں گناھوں کے جَنے بچُھو دُموں پر اپنے اپنے ڈنک لادے اپنے اپنے زھر کے شعلوں میں جلتے ھیں یہ بچھو دُکھ نگلتے اور پچھتاوے اُگلتے ھیں ! زیادہ پاس مت آنا ! مَیں وہ تہہ خانہ ھوں جس میں کوئی روزن، کوئی کھڑکی نہیں باقی فقط قبریں ھی قبریں ھیں ! کہیں ایسا نہ ھو تُم بھی انہی قبروں میں کھو جاؤ انہی میں دفن ھو جاؤ گُلابی ھو، کہیں ایسا نہ ھو تُم زرد ھو جاؤ محبت کی حرارت کھو کے بالکل سرد ھو جاؤ سراپا درد ھو جاؤ سو میرے سادہ و معصُوم ! مُجھ کو راس مت آنا زیادہ پاس مت آنا ! زیادہ پاس مت آنا !
Read more