’’ ﻏﻨﻮﯼ ﺑﮭﭩﻮ ﮐﮯ ﻧﺎﻡ ‘‘ ‏( ﺟﻮﻋﻨﺪﻟﯿﺐ ﮔﻠﺸﻦ ﻧﺎ ﺁﻓﺮﯾﺪﮦ ﮨﮯ ‏) ﺍﻋﺠﺎﺯ ﻣﻨﮕﯽ

’’ ﻏﻨﻮﯼ ﺑﮭﭩﻮ ﮐﮯ ﻧﺎﻡ ‘‘

‏( ﺟﻮﻋﻨﺪﻟﯿﺐ ﮔﻠﺸﻦ ﻧﺎ ﺁﻓﺮﯾﺪﮦ ﮨﮯ ‏)

ﺍﻋﺠﺎﺯ ﻣﻨﮕﯽ

ﻣﺮﺯﺍ ﻏﺎﻟﺐ ﻧﮯ ﺍﭘﻨﮯ ﺑﺎﺭﮮ ﻣﯿﮟ ﮐﮩﺎ ﺗﮭﺎ :

’’ ﻣﯿﮟ ﻋﻨﺪﻟﯿﺐِ ﮔﻠﺸﻦ ﻧﺎ ﺁﻓﺮﯾﺪﮦ ﮨﻮﮞ ‘‘

ﯾﻌﻨﯽ : ﻣﯿﮟ ﺍﺱ ﺑﺎﻍ ﮐﯽ ﺑﻠﺒﻞ ﮨﻮﮞ ﺟﻮ ﺍﺑﮭﯽ ﭘﯿﺪﺍ ﻧﮩﯿﮟ ﮨﻮﺍ !!

ﻏﺎﻟﺐ ﮐﺎ ﺭﻭﭖ ﺣﺎﻻﺕ ﮐﮯ ﻣﻮﺳﻤﻮﮞ ﻣﯿﮟ

ﺍﯾﮏ ﺟﻼﻭﻃﻦ ﭘﺮﻧﺪﮮ ﮐﺎ ﺭﻭﭖ ﺗﮭﺎ

ﺷﯿﺦ ﺍﯾﺎﺯ ﺑﮭﯽ ﺍﭘﻨﮯ ﺑﺎﺭﮮ ﻣﯿﮟ

ﯾﮧ ﮨﯽ ﮐﮩﺎ ﮐﺮﺗﮯ ﺗﮭﮯ

’’ ﻣﯿﮟ ﻋﻨﺪﻟﯿﺐِ ﮔﻠﺸﻦ ﻧﺎ ﺁﻓﺮﯾﺪﮦ ﮨﻮﮞ ‘‘

ﮐﭽﮫ ﻟﻮﮒ ﻭﻗﺖ ﺳﮯ ﭘﮩﻠﮯ ﭘﯿﺪﺍ ﮨﻮﺟﺎﺗﮯ ﮨﯿﮟ

ﺍﺱ ﮐﮯ ﺳﻨﮕﯽ ﺳﺎﺗﮭﯽ ﺍﺱ ﮐﮯ ﺳﺎﺗﮫ ﭘﯿﺪﺍ ﻧﮩﯿﮟ ﮨﻮﺗﮯ

ﻭﮦ ﺗﻨﮩﺎ ﺟﻨﻢ ﻟﯿﺘﮯ ﮨﯿﮟ

ﻭﮦ ﺗﻨﮩﺎ ﺟﯿﺘﮯ ﮨﯿﮟ

ﻭﮦ ﺗﻨﮩﺎﺋﯽ ﮐﺎ ﺯﮨﺮ ﭘﯿﺘﮯ ﮨﯿﮟ

ﺍﻥ ﮐﯽ ﺳﺮﮔﺰﺷﺖ ﮐﺎ ﻋﻨﻮﺍﻥ

’’ ﻧﯿﻞ ﮐﻨﭩﮫ ﺍﻭﺭ ﻧﯿﻢ ﮐﯽ ﭘﺘﯽ ‘‘ ﮐﮯ ﻋﻼﻭﮦ ﺍﻭﺭ ﮐﯿﺎ ﮨﻮﺳﮑﺘﺎ ﮨﮯ

ﻭﮦ ﺗﻠﺦ ﺗﺮﯾﻦ ﺣﺎﻻﺕ ﻣﯿﮟ ﺗﻠﺦ ﺗﺮﯾﻦ

ﺯﻧﺪﮔﯽ ﭘﺎﺗﮯ ﮨﯿﮟ

ﺍﻭﺭ ﺍﯾﺴﮯ ﺗﻠﺦ ﺗﺮﯾﻦ ﻧﻐﻤﮯ ﮔﺎﺗﮯ ﮨﯿﮟ

’’ ﻣﯿﮟ ﻋﻨﺪﻟﯿﺐ ﮔﻠﺸﻦ ﻧﺎ ﺁﻓﺮﯾﺪﮦ ﮨﻮﮞ ‘‘

ﻣﯿﺮﯼ ﺩﻭﺳﺖ؛ ﻣﯿﺮﯼ ﺳﺎﺗﮭﯽ؛ ﻣﯿﺮﯼ ﺑﮩﻦ

ﻏﻨﻮﯼ ﺑﮭﭩﻮ ﺑﮭﯽ

ﺍﺱ ﭼﻤﻦ ﮐﯽ ﭼﮍﯾﺎ ﮨﮯ

ﺟﻮ ﺍﺑﮭﯽ ﭘﯿﺪﺍ ﻧﮩﯿﮟ ﮨﻮﺍ !

ﺷﺎﯾﺪ ﻣﺮﺗﻀﯽ ﺑﮭﭩﻮ ﻧﮯ ﺁﻧﮯ ﻣﯿﮟ ﺩﯾﺮ ﮐﺮﺩﯼ

ﺷﺎﯾﺪ ﻣﺮﺗﻀﯽ ﺑﮭﭩﻮ ﺟﻠﺪﯼ ﭼﻼ ﮔﯿﺎ

ﺷﺎﯾﺪ ﻣﺤﺒﺖ ﺟﺪﺍﺋﯽ ﮨﮯ

ﺷﺎﯾﺪ ﻣﺤﺒﺖ ﺟﻼﻭﻃﻨﯽ ﮨﮯ !!

ﻭﮦ ﻋﻮﺭﺕ ﺍﺱ ﺩﮬﺮﺗﯽ ﭘﺮ

ﺍﺱ ﻃﺮﺡ ﺟﻼﻭﻃﻦ ﮨﮯ

ﺟﺲ ﻃﺮﺡ ﺍﺱ ﮐﯽ ﺩﮬﺮﺗﯽ ﭘﺮ

ﻭﮦ ﺷﺨﺺ ﺟﻼﻭﻃﻦ ﺗﮭﺎ

ﺟﺲ ﺷﺨﺺ ﮐﺎ ﻧﺎﻡ

ﺁﺝ ﺑﮭﯽ ﺳﻤﺎﻋﺘﻮﮞ ﭘﺮ

ﺁﺳﻤﺎﻧﯽ ﺑﺠﻠﯽ ﮐﯽ ﻃﺮﺡ ﮔﺮﺗﺎ ﮨﮯ

’’ ﻣﯿﺮ ۔۔۔ﻣﯿﺮ۔۔۔ﻣﯿﺮ ‘‘!

ﻭﮦ ﺷﺨﺺ ﺟﻮ ﻓﺎﻃﻤﮧ ﺑﮭﭩﻮ ﻧﺎﻣﮑﻤﻞ ﻧﻈﻢ ﮨﮯ

ﻭﮦ ﺷﺨﺺ ﺟﻮ ﺍﯾﮏ ﺍﻥ ﻟﮑﮭﺎ ﺍﻭﺭ ﺍﻥ ﭘﮍﮬﺎ ﻧﺎﻭﻝ ﮨﮯ

ﻭﮦ ﺷﺨﺺ ﺟﻮ ﺍﯾﮏ ﺍﯾﺴﯽ ﺗﻠﻮﺍﺭ ﮨﮯ

ﺟﻮ ﺳﯿﻨﮯ ﮐﮯ ﻧﯿﺎﻡ ﺳﮯ ﻧﮑﻠﺘﯽ ﮨﯽ ﻧﮩﯿﮟ !!

ﺍﻭﺭ ﻭﮦ ﻋﻮﺭﺕ ﺟﺲ ﻧﮯ ﺍﭘﻨﺎ ﻟﺒﻨﺎﻧﯽ ﭘﺎﺳﭙﻮﺭﭦ

ﺩﮐﮭﯽ ﺩﻝ ﮐﮯ ﺳﺎﺗﮫ ﮈﺳﭧ ﺑﻦ ﻣﯿﮟ ﮈﺍﻝ ﺩﯾﺎ

ﻭﮦ ﻋﻮﺭﺕ ﺟﻮ ﺍﯾﮏ ﺑﮩﻦ ﮨﮯ؛ ﺍﯾﮏ ﻣﺎﮞ ﮨﮯ

ﺍﻭﺭ ﺍﯾﮏ ﺑﯿﭩﯽ ﮨﮯ !

ﻭﮦ ﻋﻮﺭﺕ ﺟﻮ ﺳﺘﺮ ﮐﻠﻔﭩﻦ ﮐﯽ ﺍﺩﺍﺱ ﺷﺎﺥ ﭘﺮ

ﺍﯾﮏ ﺗﻨﮩﺎ ﭘﻨﭽﮭﯽ ﮐﯽ ﻃﺮﺡ ﺑﯿﭩﮭﯽ ﮨﮯ

ﺍﻭﺭ ﯾﮧ ﺑﮭﯽ ﻧﮩﯿﮟ ﮐﮩﺘﯽ :

’’ ﻣﯿﮟ ﻋﻨﺪﻟﯿﺐِ ﮔﻠﺸﻦ ﻧﺎ ﺁﻓﺮﯾﺪﮦ ﮨﻮﮞ ‘‘

ﺣﺎﻻﻧﮑﮧ ﻭﮦ ﺍﯾﺴﮯ ﺑﺎﻍ ﮐﯽ ﺑﻠﺒﻞ ﮨﮯ

ﺟﻮ ﺍﺑﮭﯽ ﭘﯿﺪﺍ ﻧﮩﯿﮟ ﮨﻮﺍ

ﺍﺱ ﺑﺎﻍ ﮐﻮ ﺳﯿﻨﭽﺎ ﮨﯽ ﻧﮩﯿﮟ ﮔﯿﺎ

ﺁﻧﺴﻮﺅﮞ ﮐﮯ ﭘﺎﻧﯽ ﺳﮯ

ﺍﺱ ﺑﺎﻍ ﻣﯿﮟ ﺑﻮﯾﺎ ﮨﯽ ﻧﮩﯿﮟ ﮔﯿﺎ

ﺧﻮﺍﺑﻮﮞ ﮐﻮ ﺑﯿﺞ ﺑﻨﺎ ﮐﺮ

ﻭﮦ ﺑﺎﻍ ﺑﺎﺥ ﮐﮯ ﻧﻐﻤﻮﮞ ﮐﯽ ﻃﺮﺡ

ﺍﺑﮭﯽ ﺗﮏ ﺳﺎﺯ ﮐﯽ ﺗﺎﺭﻭﮞ ﻣﯿﮟ

ﯾﺘﯿﻢ ﺑﭽﮯ ﮐﮯ ﻣﺎﻧﻨﺪ ﺳﻮ ﺭﮨﺎ ﮨﮯ

ﺑﺴﻨﺖ ﮐﮯ ﻣﻮﺳﻢ ﺁﺗﮯ ﺍﻭﺭ ﺟﺎﺗﮯ ﮨﯿﮟ

ﻭﮦ ﻧﺎﭘﯿﺪ ﺑﺎﻍ ﺍﭘﻨﮯ ﺍﺩﺍﺱ ﭘﻨﭽﮭﯽ ﮐﮯ ﺳﺎﺗﮫ

ﺍﭘﻨﯽ ﺁﻧﮑﮭﯿﮟ ﻣﻮﻧﺪ ﮐﺮ ﺳﻮﺗﺎ ﮨﮯ

ﻭﮦ ﺑﺎﻍ ﺑﺎﺭﺷﻮﮞ ﻣﯿﮟ ﺑﮩﺖ ﺭﻭﺗﺎ ﮨﮯ

ﻭﮦ ﭘﺖ ﺟﮭﮍ ﮐﮯ ﺷﺎﻣﻮﮞ ﻣﯿﮟ

ﺑﮩﺖ ﺍﺩﺍﺱ ﮨﻮﺗﺎ ﮨﮯ !

ﻭﮦ ﺑﺎﻍ ﺑﺎﺥ ﮐﮯ ﻧﻐﻤﻮﮞ ﮐﮯ ﺳﺎﺗﮫ

ﮐﺐ ﺟﺎﮔﮯ ﮔﺎ؟

ﺍﺱ ﮐﺎ ﮨﺮ ﮐﻮﻧﭙﻞ ﻧﻮﺯﺍﺋﯿﺪﮦ ﺑﭽﮯ ﮐﯽ ﻣﺎﻧﻨﺪ

ﺍﭘﻨﯽ ﻧﺎﺯﮎ ﺁﻧﮑﮭﯿﮟ ﮐﺐ ﮐﮭﻮﻟﮯ ﮔﺎ

ﺍﻭﺭ ﻭﮦ ﺟﻼﻭﻃﻦ ﭘﺮﻧﺪﮦ ﮐﺐ ﺑﻮﻟﮯ ﮔﺎ؟

’’ ﮐﺐ ﭨﮩﺮﮮ ﮐﺎ ﺩﺭﺩ ﺍﮮ ﺩﻝ

ﮐﺐ ﺭﺍﺕ ﺑﺴﺮ ﮨﻮﮔﯽ؟

ﺳﻨﺘﮯ ﺗﮭﮯ ﮐﮧ ﺁﺋﮯ ﮔﺎ

ﺳﻨﺘﮯ ﺗﮭﮯ ﺳﺤﺮ ﮨﻮﮔﯽ !

ﮐﺐ ﺟﺎﻥ ﻟﮩﻮ ﮨﻮﮔﯽ؟

ﮐﺐ ﺍﺷﮏ ﮔﮩﺮ ﮨﻮﮔﺎ؟

ﮐﺲ ﺩﻥ ﺗﯿﺮﯼ ﺷﻨﻮﺍﺋﯽ

ﺍﮮ ﺩﯾﺪﮦ ﺗﺮ ﮨﻮﮔﯽ؟ ‘‘

ﻭﮦ ﻋﻮﺭﺕ ﺟﻮ ﯾﮧ ﺳﻮﺍﻝ ﮨﮯ

ﻭﮦ ﻋﻮﺭﺕ ﺟﻮ ﺍﯾﮏ ﺯﻭﺍﻝ ﮨﮯ

ﻭﮦ ﻋﻮﺭﺕ ﻋﺮﻭﺝ ﮐﺐ ﺑﻨﮯ ﮔﯽ؟

ﻭﮦ ﻋﻮﺭﺕ ﺩﻟﮩﻦ ﺟﯿﺴﯽ ﺩﮬﺮﺗﯽ ﮐﯽ ﻃﺮﺡ ﮐﺐ ﺳﺠﮯ ﮔﯽ؟

’’ ﮐﺐ ﭨﮩﺮﮮ ﮔﺎ ﯾﮧ ﺩﺭﺩ ﺍﮮ ﺩﻝ

ﮐﺐ ﺭﺍﺕ ﺑﺴﺮ ﮨﻮﮔﯽ

ﺳﻨﺘﮯ ﺗﮭﮯ ﮐﮧ ﺁﺋﯿﮟ ﮔﮯ

ﺳﻨﺘﮯ ﺗﮭﮯ ﺳﺤﺮ ﮨﻮﮔﯽ؟ ‘‘

ﻭﮦ ﺳﺤﺮ ﮐﺐ ﭼﮭﺎﺋﮯ ﮔﯽ؟

ﻭﮦ ﮔﮭﮍﯼ ﮐﺐ ﺁﺋﮯ ﮔﯽ؟

ﮐﺐ ﻣﺬﺩﻭﺭ ﻣﻠﻮﮞ ﺳﮯ ﻧﮑﻠﯿﮟ ﮔﮯ؟

ﮐﺐ ﮐﺴﺎﻥ ﮨﻠﻮﮞ ﺳﮯ ﻧﮑﻠﯿﮟ ﮔﮯ؟

ﮐﺐ ﮨﺮ ﺑﭽﮯ ﮐﺎ ﻧﺎﻡ

ﻣﺎﮞ ﮐﮯ ﻧﺎﻡ ﺳﮯ ﭘﮑﺎﺭﺍ ﺟﺎﺋﮯ ﮔﺎ

ﻭﮦ ﺍﻧﻘﻼﺏ ﮐﺐ ﺁﺋﮯ ﮔﺎ؟

ﺟﺲ ﺍﻧﻘﻼﺏ ﮐﮯ ﻟﯿﮯ

ﮔﺮﻡ ﺍﻭﺭ ﺳﺮﺥ ﺩﻭﻟﮩﮯ

ﺳﺮﺩ ﺍﻭﺭ ﺳﯿﺎﮦ ﺩﮬﺮﺗﯽ ﻣﯿﮟ ﺳﻮﮔﺌﮯ

ﺳﻔﯿﺪ ﺻﺒﺢ ﮐﯽ ﺩﻟﮩﻦ

ﺍﭘﻨﮯ ﮔﮭﻮﻧﮕﮭﭧ ﮐﮯ ﭘﭧ ﮐﺐ ﮐﮭﻮﻟﮯ ﮔﯽ؟

ﺳﯿﺎﺳﺖ ﮐﮯ ﺳﻮﮐﮭﮯ ﺷﺠﺮ ﺑﮧ ﺑﯿﭩﮭﯽ ﯾﮧ ﺑﻠﺒﻞ

ﺍﭘﻨﯽ ﭼﻮﻧﭻ ﮐﺐ ﮐﮭﻮﻟﮯ ﮔﯽ؟

ﯾﮧ ﺑﻠﺒﻞ ﮐﺐ ﺑﻮﻟﮯ ﮔﯽ؟

’’ ﯾﮧ ﺟﻨﮓ ﺁﺧﺮﯼ ﮨﮯ

ﯾﮧ ﺁﺧﺮﯼ ﮨﮯ ﺟﻨﮓ !

ﯾﮧ ﺟﻨﮓ ﺁﺧﺮﯼ ﮨﮯ

ﯾﮧ ﺁﺧﺮﯼ ﮨﮯ ﺟﻨﮓ !!!!

مکمل پڑھیں →

Mard Sub aik say hoty hain

تم جو کہتی ہو بنتِ حوا

مرد سب ایک سے ہوتے ہیں

کبھی دیکھا نہیں تم نے؟

کوئی باپ کہیں ایسا

کوئی بھائی کہیں ایسا

جس کا نہ پیر ہو زمیں پر

نہ شکوہء شکن ہو جبیں پر

جو بیٹی کے لئے روز

 کچھ نہ کچھ لاتا ہوں

جو اپنی بہن کے روز

ہنس کے لاڈ اُٹھاتا ہو

جسے خیال اپنا  نہ اپنی صحت کا 

جو ماں کا لال ہو محافظ رحمت کا

چلے جو ساتھ بیٹی کے 

لوگوں کی نظر جھک جائے 

جو کھڑا ہو ساتھ بہن کے 

مجال کیا کوئی نگاہ اُٹھائے 

جس کی جوتی بھی گھر کی چوکھٹ پر

چوکیداری کا کام کرتی ہو

جسکی نسبت سے بنتِ آدم کا

دنیا احترام کرتی ہو

تم نے دیکھے نہیں مرد ایسے ؟

جنکے پاس ہو اگر کچھ پیسے

خواہشیں اپنی وہ مار دیتے ہیں

کتنے پردیسی  اپنی کئیں عیدیں 

اکیلا تنہا گزار دیتے ہیں

تم نے دیکھے کہاں ہے مرد سنو 

بارڈر کے کہیں پاس چلو 

کچھ مرد تمھیں دکھانے ہیں

جنکے بٹووں میں ہی گھرانے ہیں

جو یادوں کے سہارے جیتے ہیں

تم دیکھنا کیا کھاتے پیتے ہیں

ہاں ٹھیک ہے کسی مرد نے 

دل تمھارا دُکھایا ہوگا کبھی

بے وجہ تمھارے ارمانوں کا

گلا دبایا ہوگا کبھی 

مگر نہیں میں مانتی کہ ہاں جی ہاں

مرد سب کے سب سانجھے ہیں

نہ کہتی ہوں کہ اب بھی یہاں

بستے کئیں رانجھے ہیں

میں بس کہوں گی اتنا کہ

میرے پاس جو میرے بابا ہیں

میرے سنگ جو میرا بھائی ہے

بہترین مرد کہتے ہیں کسے 

یہ بات اُنھوں نے سمجھائی ہے

بکواس ہے سراسر جھوٹ ہے 

کوئی اسمیں نہیں سچائی ہے

مرد سب ایک سے ہوتے ہیں

یہ افواہ غلط پھیلائی ہے 

یہ افواہ غلط پھیلائی ہے

مکمل پڑھیں →

Mohsin Naqvi

دشتِ ہجراں میں نہ سایہ نہ صدا تیرے بعد​
کتنے تنہا ہیں تیرے آبلہ پا تیرے بعد​
​
کوئی پیغام نہ دلدارِ نوا تیرے بعد​
خاک اڑاتی ہوئی گزری ہے صبا تیرے بعد​
​
لب پہ اک حرفِ طلب تھا نہ رہا تیرے بعد​
دل میں تاثیر کی خواہش نہ دعا تیرے بعد​
​
عکس و آئینہ میں اب ربط ہو کیا تیرے بعد​
ہم تو پھرتے ہیں خود اپنے سے خفا تیرے بعد​
​
دھوپ عارض کی نہ زلفوں کی گھٹا تیرے بعد​
ہجر کی رت ہے کہ حبس کی فضا تیرے بعد​
​
لیئے پھرتی ہے سرِ کوئے جفا تیرے بعد​
پرچمِ تارِ گریباں کو ہوا تیرے بعد​
​
پیرہن اپنا سلامت نہ قبا تیرے بعد​
بس وہی ہم وہی صحرا کی ردا تیرے بعد​
​
نکہت و نے ہے تہِ دستِ قضا تیرے بعد​
شاخِ جاں پر کوئ غنچہ نہ کھلا تیرے بعد​
​
دل نہ مہتاب سے الجھا نہ جلا تیرے بعد​
ایک جگنو تھا کہ چپ چاپ بجھ ا تیرے بعد​
​
کون رنگوں کے بھنور کیسی حنا تیرے بعد​
اپنا خوں اپنی ہتھیلی پہ سجا تیرے بعد​
​
درد سینے میں ہوا نوحہ سرا تیرے بعد​
دل کی دھڑکن ہے کہ ماتم کی صدا تیرے بعد​
​
ایک ہم ہیں کہ بے برگ و نوا تیرے بعد​
ورنہ آباد ہے سب خلقِ خدا تیرے بعد​
​
ایک قیامت کی خراشیں تیرے سر پہ سجیں​
ایک محشر میرے اندر سے اٹھا تیرے بعد​
​
تجھ سے بچھڑا ہوں تو مرجھا کے ہوا بُرد ہوا​
کون دیتا مجھے کھلنے کی دعا تیرے بعد​
​
اے فلک ناز میری خاک نشانی تیری​
میں نے مٹی پہ تیرا نام لکھا تیرے بعد​
​
تو کہ سمٹا تو رگِ جاں کی حدوں میں سمٹا​
میں کہ بکھرا تو سمیٹا نہ گیا تیرے بعد​
​
ملنے والے کئی مفہوم پہن کر آئے​
کوئی چہرہ بھی نہ آنکھوں نے پڑھا تیرے بعد​
​
بجھتے جاتے ہیں خدوخال’ مناظر ‘ آفاق​
پھیلتا جاتا ہے خواہش کا خلا تیرے بعد​
​
یہ الگ بات ہے کہ افشا نہ ہوا تو ورنہ​
میں نے سوچا تجھے اپنے سے سوا تیرے بعد​
​
میری دکھتی ہوئی آنکھوں سے گواہی لینا​
میں نے سوچا تجھے اپنے سے سوا تیرے بعد​
​
سہ لیا دل نے تر ے بعد ملامت کا عذاب​
ورنہ چبھتی ہے رگِ جاں میں ہوا تیرے بعد​
​
جانِ محسن میرا حاصل یہی مبہم سطریں !​
شعر کہنے کا ہنر بھول گیا تیرے بعد​
​
محسن نقوی
طلوعِ اشک سے انتخاب

مکمل پڑھیں →

Saraiki Nazam

ﮨﺎئے ﮨﺎئے ﺍﻭ ﻭﯾﻠﮯ ﻧﺌﯿﮟ ﺑﮭﻠﺪﮮ

ﺟﮉﺍﮞ ﺗﮭﮕﮍﯾﺎﮞ ﺑﺪﮪ ﮐﮯ ﮐﺎﻧﮯ ﺗﮯ

ﺑﮭﺎﮦ ﻟﯿﻨﺪﮮ ﮨﺎﺳﮯ ﮐﮭﮑﮭﺮﯾﮟ ﮐﻮﮞ
ﺟﮉﺍﮞ ﭘﮩﻠﯽ ﻭﺍﺭﯼ ﻭﺳﺘﯽ ﻭﭺ
ﺑﺲ ﮨﺎﺭﻥ ﺁﻥ ﻭﮔﺎﯾﺎ ﮨﺎ
ﺍﻭﮞ ﺳﺎﮈﺍ ﻣﺎﻝ ﮈﺭﺍﯾﺎ ﮨﺎ
ﺟﮉﺍﮞ ﭨﻮﮐﺮﮮ ﻻ ﮐﮯ ﻭﯾﮩﮍﮮ ﻭﭺ
ﮐﺌﯽ ﭼﻠﮑﺪیاں ﭼﮍﯾﺎﮞ ﻧﭗ ﻧﭗ ﮐﮯ
ﮐﻮﺋﯽ ﺧﺎﺹ ﻧﺸﺎﻧﯽ ﻻ ﮈﯾﻮﻧﮍ
ﭘﭽﮫ ﭘﭧ ﮐﮯ ﺍﻧﺖ ﺍﮈﺍ ﮈﯾﻮﻧﮍ
ﮨﺎئے ﮨﺎئے ﺍﻭ ﻭﯾﻠﮯ ﻧﺌﯿﮟ ﺑُﮭﻠﺪﮮ
ﺍﻭ ﭼﯿﮏ ﭼﮩوﮌﺍ ﭼُﻠﮩیں ﺗﮯ
ﺍﮮ ﭘﮩﻠﯽ ﺭﻭﭨﯽ ﻣﯿﮟ ﮐﮭﺎﺳﺎﮞ
ﺍﯾﮟ ﮔﺎل ﺗﮯ ﺭﻭﻟﮯ ﮨﻮﻧﺪﮮ ﮨﻦ
ﺟﮉﺍﮞ ﺳﮑﮭﻨﮍے ﭼﻮﻟﮯ ﮨﻮﻧﺪﮮ ﮨﻦ
ﺟﮉﺍﮞ ﮨﻦ ﺧﺰﺍﻧﮯ ﭘﻠﻮ ﻭﭺ
ﺍﻭ ﻟﮏ ﭼﮭﭗ ﻟﮏ ﭼﮭﭗ ﮐﮭﯿﮉﺩﯾﮟ ﮨﻮﺋﯿﮟ
ﮐﮉﯼ لوکڑاں ﻧﺎﻝ ﮐﻠﻮﭨﮭﯽ ﺩﮮ
ﮐﮉﯼ ﻃﺎﻕ ﺩﮮ ﺍﻭﮈﮬﺮ ﻟﮏ ﻭﻧﺠﮍﺍﮞ
ﺳﺎﮦ ﺳﮏ ﻭﻧﺠﮍﺍﮞ
ﺟﮉﺍﮞ ﭘﻮﮦ ﺩﯾﺎﮞ ﻟﺴﯿﺎﮞ
ﮐﮭﻤﮍﯾﺎﮞ ﻭﭺ
ﮐﻮﺋﯽ ﭘﯿﻨﮕﮫ ﻓﻠﮏ ﺗﮏ ﺁﻭﮮ ﮨﺎ
ﺳﺎﮈﯼ ﺗﺎﮌﯼ ﭘﯿﻨﮕﮫ ﺗﺌﯿﮟ ﻭﯾﻨﺪﯼ ﮨﺎﺋﯽ
ﺍﻭ ﺭﺍﺕ ﺩﯼ ﻣﺎ ﺩﮮ ﮈﺭ ﮐﻮﻟﻮﮞ
ﺳﺎﮈﺍ ﺷﺎﻡ ﺗﻮﮞ پہلے ﺳﻢ ﻭﻧﺠﮍﺍﮞ
ﮨﺎئے ﮨﺎئے ﺍﻭ ﻭﯾﻠﮯ ﻧﺌﯿﮟ ﺑﮭﻠﺪﮮ
ﺍﻭ ﻭﯾﻠﮯ ﮐﯿﻮﯾﮟ ﺑﮭﻞ ﺳﮕﺪﻥ
ﺟﮉﺍﮞ ﺁﮐﮭﯿﺎ ﮨﺎ ﺍﺳﺘﺎﺩ ﺳﺎﮐﻮﮞ
ﭼﻠﻮ ﺗﺨﺘﯽ ﭼﺎﺅ ﺍﻣﻼﺀ ﻟﮑﮭﻨﮍﮮ
ﻣﯿﮉﯼ ﻣﺲ ﮐﻮﺋﯽ ﻧﺎہئی… ﻣﯿﮟ ﺭﻧﺎ ﮨﻢ
ﻣﯿﮉﯾﺎﮞ ﮨﻨﺠﻮﮞ ﭘﻮﻧﺠﮫ ﮐﮯ
ﺗﺌﯿﮟ ﺳﺎﻧﻮﻝ ﮈﻭ ﭘﮍﯾﺎﮞ
ﻣﯿﮑﻮﮞ ﮈﺗﯿﺎﮞ ﮨﻦ
ﺗﯿﮉﯾﺎﮞ ﮈﻭ ﭘﮍﯾﺎﮞ… ﻣﯿﮟ ﮨﺎﻟﯽ ﺗﺎﺋﯿﮟ مخمور قلندری ﮈﯾﻮﯾﻨﮍﯾﺎﮞ ﮨﻦ …..

مکمل پڑھیں →

Best Urdu Poetry

کبھی انسان کا بننا خدا اچھا نہیں ہوتا

جنابِ شیخ سے کہہ دو اُنہیں سجدہ نہیں ہوتا

بجھا دیتے ہیں وہ مکتب دلوں کی روشنی جن میں

"عصائیں" لاکھ ہوتی ہیں، یدِ بیضا نہیں ہوتا

کہا مجھ سے قلندر نے سمجھ آسان سا نکتہ

غمِ جاناں ہو جس دل میں، غمِ دنیا نہیں ہوتا

تلاطم خیز موجوں میں اترنا ہے بکھرنا ہے

جہادِ زندگی صاحب لبِ دریا نہیں ہوتا

قلم پکڑو، جگر تھامو، کہو دل کی، سنو دل کی

نہ ہو جب تک جنوں کامل، سخَن پختہ نہیں ہوتا

نہ ہے رہزن کا ڈر ہم کو نہ رہبر کی تمنا کچھ

وہاں سے ہم گزرتے ہیں جہاں رستہ نہیں ہوتا

ہمیں ہے نالہِ بلبل سبَق محفل گدازی کا

جگر خوں کر نہیں سکتا، جو دل ٹُوٹا نہیں ہوتا

فقیروں کی صدا سُن لے، مُنیبِِؔ با وفا سُن لے

ہر اِک دَر پر نہیں رکھنا، کہ دل پیالہ نہیں ہوتا

کلام: ابنِ مُنیبؔ

مکمل پڑھیں →

Sad Urdu Poetry

عقیدت توڑ آئ ہوں ،،عبادت چھوڑ آئئ ہوں

محبت میں وفاؤں کی روایت چھوڑ آئئ ہوں

کسی نے خواب کے بدلے میں حرمت مانگ لی مجھ سے 

میں زندہ آنکھ میں مرتی وہ حسرت چھوڑ آئئ ہوں

یہ ایسے زخم تھے مجھکو جو اپنی جا ں سے پیارے تھے 

سدا رستے رہیں ، بھرنے کی نیت چھوڑ آئئ ہوں

خودی کو بیچ دیتی تو مسرت مل بھی سکتی تھی 

اٹھا کے درد کی گھٹری میں راحت چھوڑ آئئ ہوں

خدایا تو تو لوگوں کی طرح قیمت نہ لے مجھ سے 

اٹھا کے بدنصیبی کو میں نعمت چھوڑ آئئ ہوں

لگی تھی آگ جب دل میں تو دامن کو بچاتی کیا 

بہت انمول رشتوں کی بھی قربت چھوڑ آئئ ہوں

اٹھا لائی ہوں خوابوں کے سبھی ٹکرے میں آنچل میں 

بس اپنے خون سے لکھ کر عبارت چھوڑ آئئ ہوں

کبھی ایسا بھی تھا اس شخص کی مجھکو ضرورت تھی 

مگر رو رو منانے کی --- وہ عادت چھوڑ آئئ ہوں

مکمل پڑھیں →

عبد الحمید عدمؔ

بھولے سے کبھی لے جو کوئی نام ہمارا 

 مر جائے خوشی سے دل ناکام ہمارا

لے جاتی ہے اس سمت ہمیں گردش دوراں 

 اے دوست خرابات سے کیا کام ہمارا

کر لیتے ہیں تخلیق کوئی وجہ اذیت 

 بھاتا نہیں خود ہم کو بھی آرام ہمارا

اے گردش دوراں یہ کوئی سوچ کی رت ہے 

 کمبخت ابھی دور میں ہے جام ہمارا

اس بار تو آیا تھا ادھر قاصد جاں خود 

 سرکار کو پہنچا نہیں پیغام ہمارا

پہنچائی ہے تکلیف بہت پہلے ہی تجھ کو 

 اے راہنما ہاتھ نہ اب تھام ہمارا

اے قافلۂ ہوش گنوا وقت نہ اپنا 

 پڑتا نہیں کچھ ٹھیک ابھی گام ہمارا

دیکھا ہے حرم تیرا مگر ہائے رے زاہد 

 مہکا ہوا وہ کوچۂ اصنام ہمارا

غلمان بھی جنت کے بڑی چیز ہیں لیکن 

 توبہ مری وہ ساقیٔ گلفام ہمارا

گل نوحہ کناں و صنم دست بہ سینہ 

 اللہ غنی! لمحۂ انجام ہمارا

کر بیٹھے ہیں ہم بھول کے توبہ جو سحر کو 

 شیشے کو تعاقب ہے سر شام ہمارا

مے پینا عدمؔ اور قدم چومنا ان کے 

 ہے شغل یہی اب سحر و شام ہمارا

عبد الحمید عدمؔ

مکمل پڑھیں →

Mohsin Naqvi The Legend

خواب   کو   صورتِ   حالات  بنا    جاتا   ہے
دل  کو  آنا ہو تو  بے وقت  بھی  آ  جاتا  ہے

ہو  کے  ناراض  نہ  جائے کوئی  مہماں  ورنہ
گھر   سے  وصفِ  در  و  یوار  چَلا  جاتا  ہے

آنکھ  سے  آنکھ  مِلانا  تو  سُخن   مت  کرنا
ٹوک   دینے   سے   کہانی  کا   مزا  جاتا   ہے

ٹھیک کہتے  ہو کہ آسیب زدہ ہوتا  ہے عشق
میرے  اندر  بھی  کوئی  شور  مَچا جاتا  ہے

پیار  آ  جائے  تو  پھر  پیار  ہی  کیجے  ورنہ
جس  طرح آتا  ہے ، اُس طرح  چلا  جاتا  ہے

میں تو ہر فیصلہ ہی کرتا ہوں اپنے حق میں
پر   کوئی   عدل   کی   زنجیر  ہِلا  جاتا  ہے

عمرِ  رفتہ  میں  تُجھے  یاد کہاں  کرتا  ہوں
بس  ذرا  یُوں  ہی  ترا دھیان  سا آ  جاتا ہے

کوئی پاگل مُجھے کہتا ہے تو کیا ہے محسنؔ
ایک  پاگل  کو   تو  پاگل   ہی  کہا  جاتا  ہے

مکمل پڑھیں →

میثم علی آغا

کہیں قبا  تو  کہیں  آستیں  بچھاتے  ہوئے
میں مر گیا  ہوں  وفاداریاں  نبھاتے  ہوئے

عجیب رات تھی آنکھیں ہی لے گئی میری
میں بجھ گیا تھا چراغِ  سحر جلاتے  ہوئے

سزا کے طور پہ آنکھیں نکال لیں اُس نے
میں رو پڑا تھا کوئی داستاں سناتے ہوئے

عجب نہیں تھا  کہ  دریا  لپیٹ  لیتا  مجھے
میں  بھاگ آیا ہوں تشنہ لبی بچاتے  ہوئے

درونِ چشم  کسی  خواب  کا  جنازہ  ہے
نکل  رہے  ہیں  عزادار  غم  مناتے  ہوئے

میثم علی آغا

مکمل پڑھیں →